بھارت میں بمبئی ہائی کورٹ نے پاکستانی فنکاروں کے بھارت میں کام کرنے پر پابندی لگانے کی درخواست کو مسترد کر دیا ہے۔ تفصیلات کے مطابق درخواست گزار سنے ورکر فیض انور قریشی تھے جن کا کہنا تھا کہ ورلڈ کپ کے دوران پاکستانی فنکاروں کے بھارت میں کام کرنے سے بھارتی فنکاروں کے لیے ملازمت کے مواقع کم ہو سکتے ہیں۔

اپنی شکایت میں فیض نے مطالبہ کیا کہ پاکستانی فنکاروں جیسے اداکاروں، گلوکاروں، گیت کاروں یا ٹیکنیشنز پر پابندی عائد کی جائے جنہیں ہندوستانی شہری اور کمپنیاں مدعو کر رہی ہیں۔

جسٹس سنیل شکرے اور فردوش پونی والا پر مشتمل بنچ نے اس درخواست کو مسترد کرتے ہوئے کہا کہ ایسا اقدام ہندوستان اور پاکستان کے درمیان ثقافتی ہم آہنگی اور اتحاد پیدا کرنے میں ایک قدم پیچھے ہٹ جائے گا۔