حکومت نے ایک اور بجلی بم گرانے کی تیاری شروع کر لی
حکومت عوام پر ایک اور برقی بم گرانے کے لیے تیار ہے جو پہلے ہی انتہائی مہنگائی کی معیشت میں پس رہے ہیں۔
تفصیلات کے مطابق سینٹرل پاور پرچیزنگ ایجنسی (سی پی پی اے) نے بجلی کی قیمت میں 5 روپے 62 پیسے فی یونٹ اضافے کے لیے نیشنل الیکٹرک پاور ریگولیٹری اتھارٹی (نیپرا) کو درخواست جمع کرادی۔
یہ درخواست سی پی پی اے نے نیپرا سے دسمبر کی فیول پرائس ایڈجسٹمنٹ کے سلسلے میں کی ہے۔
نیپرا نے بتایا کہ سی پی پی اے کی درخواست پر سماعت 31 جنوری کو ہوگی۔
واضح رہے کہ درخواست کی منظوری سے صارفین پر 49 ارب روپے سے زائد کا بوجھ پڑے گا۔
