لاہور: لاہور ہائیکورٹ نے رمضان کے راشن بیگز سے سابق وزیراعظم نواز شریف کی تصویر فوری ہٹانے کی درخواست مسترد کر دی۔

جسٹس شاہد کریم نے شہری منیر احمد کی درخواست پر سماعت کی اور درخواست پر نوٹس جاری کر دیئے۔

وکیل سلمیٰ ریاض نے دلائل دیتے ہوئے کہا کہ ریاستی وسائل کو ذاتی تشہیر کے لیے استعمال نہیں کیا جا سکتا۔ "آٹے کی یہ تقسیم شہریوں کے وقار کو مجروح کرتی ہے،" وکیل نے کہا۔

درخواست گزار نے موقف اختیار کیا کہ اگر تھیلوں پر تصویریں شائع کرنی ہیں تو ذاتی وسائل سے راشن تقسیم کیا جائے۔ پٹیشن میں مزید کہا گیا کہ شہریوں کی عزت نفس کو مجروح کیا جا رہا ہے۔

وکیل نے عدالت سے استدعا کی کہ حکومت کو راشن بیگز پر مسلم لیگ ن کے رہنما کی تصویر چھاپنے سے روکا جائے۔ "حکومت کو حکم دیا جائے کہ راشن آٹے کی تقسیم سے شہریوں کے وقار کو مجروح نہ کیا جائے"، وکیل نے استدعا کی۔

وکیل نے ہائی کورٹ بنچ سے استدعا کی کہ 'حکومت پنجاب کو حکم دیا جائے کہ بے نظیر انکم سپورٹ میکنزم کے ذریعے شہریوں کو ان کے گھروں میں مدد فراہم کی جائے'۔

عدالت نے کیس میں حکومت پنجاب کو نوٹس جاری کرتے ہوئے جواب طلب کر لیا۔