بلوچستان سے تعلق رکھنے والے پشتون ملی عوامی پارٹی کے سربراہ محمود خان اچکزئی نے کہا ہے کہ پاکستان میں الیکشن کا کوئی فائدہ نہیں اس ملک میں پہلے دو سال وزیراعظم کو سلوٹ کیا جاتا ہے اور تیسرے سال وزیراعظم کو جیل بھیج دیا جاتا ہے۔

محمود خان اچکزئی کا کہنا تھا کہ 75 سالوں میں ہم اس ملک کو ایک قوم نہیں بنا سکے ان کا مزید کہنا تھا کہ میں نے پی ڈی ایم کی جماعتوں کو کہا تھا کہ عمران خان کی دشمنی میں اتنا اگے نہ جائے لیکن انہوں نے تب میری بات نہیں مانی اور میں اس گناہ بے لذت میں شامل نہیں ہوا۔

محمود خان اچکزئی نے مزید کہا کہ یہ فصلی بٹیرے وہ پرندے ہیں جہاں بیٹھتے ہیں ادھر کھنڈر بنا دیتے ہیں پی ڈی ایم والے عمران خان کی دشمنی میں کہیں اور چلے گئے ہیں انہوں مزید کہا کہ ایسے الیکشن کا کوئی فائدہ نہیں۔