آئی پی ایس او ایس کی جانب سے کرائے گئے سروے میں انکشاف ہوا ہے کہ پاکستانیوں کی تعداد میں اضافہ ہو رہا ہے جو پر امید ہیں کہ اگلے چھ سالوں میں ملک کی معاشی صورتحال بہتر ہو جائے گی۔

نتائج سے یہ بھی ظاہر ہوتا ہے کہ نوکری یا کام چھوٹنے کا خوف کم ہوا ہے۔

پاکستان بھر میں 1,000 شرکاء پر مبنی یہ سروے 31 اکتوبر سے 3 نومبر 2023 کے درمیان کیا گیا۔

معتدل موقف رکھنے والے لوگوں میں کوئی فرق نہیں دیکھا گیا کیونکہ 26 فیصد مستقبل میں اپنی مالی صورتحال کے بارے میں نہ تو پر امید ہیں اور نہ ہی مایوس ہیں۔

آئی پی ایس او ایس کے مطابق گزشتہ سروے میں 95 فیصد پاکستانیوں کو روزگار سے محروم ہونے کا خدشہ تھا لیکن اب یہ تعداد کم ہو کر 88 فیصد پر آ گئی ہے جو کہ امید پرستی میں سات فیصد اضافے کی نشاندہی کرتی ہے۔

مزید برآں، مستقبل کی ضروریات کو پورا کرنے کے لیے بچت کرنے اور سرمایہ کاری کرنے میں ناکامی کا اظہار کرنے والے پاکستانیوں کی شرح میں چار فیصد کمی ہوئی، جب کہ 92 فیصد نے کہا کہ وہ بچت نہیں کر پا رہے۔

10 میں سے صرف ایک پاکستانی اس بات پر یقین رکھتا ہے کہ ملک درست سمت میں گامزن ہے جس میں مردوں کے خواتین کے مقابلے میں چار گنا زیادہ پر امید ہونے کا امکان ہے۔