پی ٹی آئی کے سابق چیئرمین اور شاہ محمود قریشی کی درخواست ضمانت پر سماعت جج کے چھٹی پر ہونے کے باعث بغیر کارروائی کے ملتوی کردی گئی۔

انسداد دہشت گردی کی عدالت 9 مئی کو توڑ پھوڑ کیس میں دونوں رہنماؤں کی درخواست ضمانت پر سماعت کر رہی ہے۔ جج ابوالحسنات ذوالقرنین چھٹی پر تھے اور عدالت کے ریڈر نے سماعت کی اگلی تاریخ 11 دسمبر مقرر کی۔

سماعت اسلام آباد ہائی کورٹ کی ہدایت پر ہو رہی ہے۔ جج ذوالقرنین نے اگست میں پی ٹی آئی کے سابق چیئرمین کی تین مقدمات میں ضمانت کی درخواستیں مسترد کر دی تھیں۔

یاد رہے کہ سابق چیئرمین کے خلاف تھانہ کھنہ میں دو اور بہارہ کہو پولیس نے ایک مقدمہ درج کیا تھا جبکہ قریشی کے خلاف کھنہ پولیس نے دو مقدمات درج کرائے تھے۔