پی ٹی آئی کے رہنماؤں اور کارکنوں کی بڑے پیمانے پر گرفتاریاں ختم کرنے کا مطالبہ کرتے ہوئے، سابق وزیر اعلیٰ پنجاب پرویز الٰہی نے ہفتے کے روز کہا کہ پی ٹی آئی کے امیدواروں کو آئندہ عام انتخابات کے لیے برابر کا میدان فراہم کیا جائے۔

پرویز الٰہی جو اس وقت اڈیالہ جیل میں سلاخوں کے پیچھے ہیں، ان خیالات کا اظہار انہوں نے اپنے وکلاء سردار عبدالرزاق خان اور چوہدری شمشاد ملہی سے ملاقات کے دوران کیا۔

ذرائع کے مطابق الٰہی کی اپنے وکلا سے ملاقات کا محور قانونی معاملات اور پی ٹی آئی کی انتخابی حکمت عملی تھی۔

الیکشن کمیشن آف پاکستان کی جانب سے دائر اپیل پر سپریم کورٹ کے فیصلے پر تبصرہ کرتے ہوئے، پرویز الٰہی، جو پی ٹی آئی کے پنجاب چیپٹر کے صدر بھی ہیں، نے مشاہدہ کیا کہ عدالت عظمیٰ کے فیصلے کے بعد عام انتخابات میں تاخیر کی تمام سازشیں دم توڑ گئیں۔

سابق وزیراعلیٰ نے زور دے کر کہا کہ ان کی پارٹی ملک میں منصفانہ اور بروقت انتخابات چاہتی ہے، اور اس بات کا اعادہ کیا کہ پی ٹی آئی کے رہنماؤں اور کارکنوں کے خلاف شروع کی گئی مہم ختم ہونی چاہیے۔