پشاور: سابق صدر آصف علی زرداری نے اتوار کو پاکستان پیپلز پارٹی (پی پی پی) خیبرپختونخوا کے رہنماؤں سے ملاقات کی اور سیاسی جماعتوں سے اتحاد کرنے سمیت آئندہ عام انتخابات کے لیے حکمت عملی پر تبادلہ خیال کیا۔

دی نیوز نے ذرائع کے حوالے سے بتایا کہ ملاقاتوں کے دوران، سابق صدر نے پیپلز پارٹی کے رہنماؤں کو ہدایت کی کہ وہ انتخابات میں پاکستان تحریک انصاف (پی ٹی آئی) کے ساتھ اتحاد نہ کریں۔

پی ٹی آئی کے علاوہ پی پی پی کے شریک چیئرپرسن نے کہا کہ مقامی قیادت کو دیگر سیاسی جماعتوں کے ساتھ اتحاد کرنے کا اختیار حاصل ہے۔

زرداری اپنے دورہ کے پی کے دوران "سیکیورٹی خدشات کے پیش نظر" گورنر ہاؤس میں رہے۔ انہوں نے گورنر کے پی حاجی غلام علی سے بھی ملاقات کی۔

زرداری سے جمعیت علمائے اسلام فضل (جے یو آئی-ف) کے کئی رہنماؤں، پی پی پی کے ٹکٹ ہولڈرز اور کارکنوں نے بھی ملاقات کی۔ گورنر غلام علی اور میئر پشاور زبیر علی نے پاکستان پیپلز پارٹی پارلیمنٹرین کے صدر کو روایتی شال اور دیگر تحائف پیش کیے۔