اسلام آباد ہائی کورٹ (IHC) نے جمعرات کو ڈپٹی کمشنر (DC) اسلام آباد کا مینٹیننس آف پبلک آرڈر (MPO) جاری کرنے کا اختیار عارضی طور پر بحال کردیا۔

تفصیلات کے مطابق چیف جسٹس اسلام آباد ہائیکورٹ عامر فاروق اور جسٹس طارق محمود پر مشتمل دو رکنی بنچ نے چیف کمشنر اور دیگر کی جانب سے سنگل بنچ کے فیصلے کے خلاف دائر اپیل پر فریقین کو نوٹس جاری کر دیئے۔

حکم امتناعی کی اپیل کے بعد ڈی سی اسلام آباد کا اختیار عارضی طور پر بحال کر دیا گیا ہے۔

جسٹس بابر ستار نے ڈی سی اسلام آباد کا ایم پی او جاری کرنے کا اختیار غیر قانونی قرار دیا تھا۔ جس کے بعد چیف کمشنر، سیکرٹری داخلہ اور دیگر نے سنگل بنچ کے فیصلے کے خلاف انٹرا کورٹ اپیل دائر کی تھی۔