عمران خان کو لاہور ہائی کورٹ سے ریلیف مل گیا
لاہور ہائی کورٹ نے سابق وزیراعظم اور پاکستان تحریک انصاف (پی ٹی آئی) کے بانی کی سات مقدمات میں ضمانت مسترد کرنے کا فیصلہ کالعدم قرار دے دیا۔
لاہور ہائیکورٹ کے تحریری فیصلے میں قرار دیا گیا کہ پی ٹی آئی بانی گرفتاری کے باعث ٹرائل کورٹ میں پیش نہیں ہو سکے اور ٹرائل کورٹ نے حقائق کا درست جائزہ نہیں لیا۔
عدالت نے اپنے تحریری فیصلے میں کہا کہ بانی پی ٹی آئی کی ضمانتیں خارج کرنے کا فیصلہ کالعدم قرار دیا جاتا ہے۔
اس کے ساتھ ہی عدالت نے ٹرائل کورٹ کو ویڈیو لنک کے ذریعے ضمانت کی درخواستوں پر 6 فروری تک فیصلہ کرنے کی بھی ہدایت کی۔
